Xitoyda o‘tgan bir sutka ichida koronavirus bilan kasallanish bo‘yicha yana uchta holat qayd etildi. Bu haqda Xitoy Sog‘liqni saqlash milliy komissiyasiga tayanib, «RIA Novosti» xabar berdi.
Kasallikka chalinganlarning ikki nafari chetdan kelgan bo‘lsa, bir kishi bevosita Xitoy hududida kasallikni yuqtirib olgan. Shuningdek, yana 36 kishi infeksiyani belgilarsiz tashuvchi sifatida qayd etilgan.
22 may kuni mamlakatda epidemiya boshlanganidan buyon birinchi bor koronavirusga chalinish bo‘yicha yangi holat qayd etilmagandi.
So‘nggi ma’lumotlarga ko‘ra, Xitoyda koronavirus bilan kasallanganlarning soni 84 ming kishidan oshgan, to‘rt mingdan ortiq odam COVID-19 qurboniga aylangan.
May oyi boshlarida Xitoyning barcha hududlarida koronavirus tarqalishi bilan bog‘liq epidemiologik xavf pasaygani, mamlakatda yuqori yoki o‘rta darajadagi tahdid darajasiga ega joylar qolmagani xabar berilgan edi.
Janubiy Koreyada o‘tgan bir sutka ichida yana 25 kishida COVID-19 aniqlandi. Butun mamlakat bo‘ylab koronavirusga chalinganlarning jami soni 11 190 kishiga yetgan. Bemorlarning 10 194 nafari sog‘aygan.
Ma’lumotlarga ko‘ra, yangi qayd etilgan bemorlarning 17 nafari mamlakat ichida kasallikni yuqtirib olgan, qolgan 8 nafari esa chetdan kirib kelganlar.
O‘tgan bir sutka ichida Janubiy Koreyada 19 nafar bemorga shifoxonalardan javob berilgan. Hozirga qadar mamlakatda 264 kishi koronavirus qurboniga aylangan.
Yangi kasallanish holatlari ko‘payishiga koronavirus borligi gumon qilingan va keyinchalik tasdiqlangan 29 yoshli yigitning 2 mayga o‘tar kechasi Kyongido provinsiyasidagi Yon’in shahridan Seulning odam gavjum bo‘lgan Itxevon hududiga borgani va u yerda bir nechta klub va barlarga kirgani sabab bo‘lgan.
Manba: Daryo.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
Mariya Zaxarova ukrainaliklarni Amerika hindulariga o‘xshatdi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Uchar avtomobil yo‘lovchi bilan birinchi parvozini amalga oshirdi (video)
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Amerikalik olimlar barcha uchun birdek foydali jismoniy faollik turini aniqladi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi