Navoiy viloyati Karmana tumanida jamoatchilikka tashvish solgan noxush voqea sodir bo‘ldi. Maktabgacha ta’lim muassasasida tarbiyalanayotgan bolalardan biri o‘yin jarayonida qo‘lidan og‘ir jarohat olib, qo‘li singani aniqlandi. Ammo eng alamlisi, bolaga tibbiy yordam ko‘rsatish jarayonida mas’ul xodimlar jiddiy xatoga yo‘l qo‘yishdi.
Ma’lumotlarga ko‘ra, jabrlangan bolani tezkor ravishda shifoxonaga olib borish o‘rniga, muassasa xodimlari uni xalq orasida faoliyat yuritayotgan tabibga ko‘rsatishgan. Bu esa bolaning ota-onalari va mahalliy aholi orasida katta norozilik uyg‘otdi. Ombudsman institutiga murojaat qilgan ota-onalarning ta’kidlashicha, bola o‘ziga tegishli tibbiy yordamdan mahrum qolgan va uning salomatligi xavf ostiga qo‘yilgan.
Karmana tumani ichki ishlar organlari tomonidan holat yuzasidan xizmat tekshiruvi o‘tkazildi. Tergov natijalarida bog‘cha xodimlari o‘z burchlariga loqaydlik bilan yondashgani, bolaning xavfsizligi va salomatligiga nisbatan mas’uliyatsizlik qilgani tasdiqlandi.
Tekshiruvdan keyin tegishli choralar ko‘rildi: bolaga nisbatan beparvo bo‘lgan tarbiyachi bilan tuzilgan mehnat shartnomasi darhol bekor qilindi. Shuningdek, unga yordamchi sifatida ishlagan xodim intizomiy jazoga tortildi
