Навоий вилояти Кармана туманида жамоатчиликка ташвиш солган нохуш воқеа содир бўлди. Мактабгача таълим муассасасида тарбияланаётган болалардан бири ўйин жараёнида қўлидан оғир жароҳат олиб, қўли сингани аниқланди. Аммо энг аламлиси, болага тиббий ёрдам кўрсатиш жараёнида масъул ходимлар жиддий хатога йўл қўйишди.
Маълумотларга кўра, жабрланган болани тезкор равишда шифохонага олиб бориш ўрнига, муассаса ходимлари уни халқ орасида фаолият юритаётган табибга кўрсатишган. Бу эса боланинг ота-оналари ва маҳаллий аҳоли орасида катта норозилик уйғотди. Омбудсман институтига мурожаат қилган ота-оналарнинг таъкидлашича, бола ўзига тегишли тиббий ёрдамдан маҳрум қолган ва унинг саломатлиги хавф остига қўйилган.
Кармана тумани ички ишлар органлари томонидан ҳолат юзасидан хизмат текшируви ўтказилди. Тергов натижаларида боғча ходимлари ўз бурчларига лоқайдлик билан ёндашгани, боланинг хавфсизлиги ва саломатлигига нисбатан масъулиятсизлик қилгани тасдиқланди.
Текширувдан кейин тегишли чоралар кўрилди: болага нисбатан бепарво бўлган тарбиячи билан тузилган меҳнат шартномаси дарҳол бекор қилинди. Шунингдек, унга ёрдамчи сифатида ишлаган ходим интизомий жазога тортилди
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
