1999 yilgi jahon chempionati g‘olibi va ikki karra Olimpiada vitse-chempioni Bulat Jumadilov Meta-ratings.kz saytiga bergan intervyusida Toshkent shahri mezbonlik qilgan boks bo‘yicha kattalar o‘rtasidagi jahon chempionatidagi o‘zbek va qozoq bokschilari raqobati haqida ham to‘xtalib o‘tdi.
Sports.uz portali e’tiboringizga ushbu suhbatni o‘zbek tilida havola etadi.
- Bulat Nuretdinovich, qozog‘istonlik bokschilar jahon chempionatida 4 ta oltin va 1 ta kumush medalga ega chiqdi. Terma jamoaning bu muvaffaqiyati nima bilan bog‘liq, deb o‘ylaysiz?
- Yigitlarning ishtiyoqi yuqori edi va musobaqada munosib qatnashishdi. Murabbiylar shtabi jiddiy ish olib borgani ko‘rinib turibdi. Bu qozog‘istonlik murabbiylarning xizmati. O‘zbekistonning iqlim sharoiti bizga mos va vaqt tafovuti juda kichik ekani ham foyda berdi. Bu borada hammasi terma jamoamiz uchun omadli keldi.
- Toshkentdagi jahon chempionatida qaysi qozog‘istonlik bokschi siz uchun kashfiyot bo‘ldi?
- Hammasi ham yaxshi qantashdi, munosib saviyani ko‘rsata oldi. Ko‘proq 54 kilogramm vazn toifasidagi Mahmud Sobirxonning boksi yoqdi. Tempni oshirib bordi, hujumlarni takrorladi va har doim vaziyatni keskinlashtirdi. U yuqori klassli bokschi.
- Sanjar Tashkenbay Temirtas Jusupovning o‘tgan yilgi muvaffaqiyatini takrorladi. 48 kilogramm vazn toifasini “qozoqlarning vazni”ga aylantirish imkoni bormi?
- Sanjarga ham balli. Tashkenbay Toshkentdagi muvaffaqiyatga mehnat va talant bilan erishdi. Terma jamoada Temirtas Jusupovdek tajribali bokschi bilan raqobatlashgani uning o‘sishida va jahon chempioni bo‘lishida muhim omil hisobalanadi. Avval 69 kilogramm vazn toifasini o‘zimizniki qilib olgandi, bu vaznni “qozoqlarniki”, deyishardi. Lekin bunaqa gaplarni nima keragi bor? Gap bunda emas. Osiyoliklar doim bu vaznda yetakchi bo‘lgan.
Sanjaram Toshkentda yaxshi qatnashdi. Uning tug‘ma ko‘rsatkichlari yaxshi, asabi mustahkam. Aqlli yigit.
- 2021 yilgi jahon chempioni Saken Bibosinov kutilmaganda birinchi jangida hindistonlik Dipakka yutqazib qo‘ydi. Mag‘lubiyat adolatli bo‘ldimi yoki gap hakamlikdami?
- Jangdan keyin qo‘lingni ko‘tarishmadimi, demak yutqazding. Yana nima deyish mumkin? Biz ringga chiqqan davrlarda ham shunday bo‘lgan. Bu haqda ko‘p gapirish, tortishish mumkin. Lekin endi bundan nima foyda? Umumiy hisobda jamoa yaxshi natija qayd etdi, nega xafa bo‘lish kerak?
- Qamshibek Kunkabayev yana Bahodir Jalolovni yenga olmadi. Nima deb o‘ylaysiz, bugun Qozog‘istonda Jalolovni yutishga qodir bokschi bormi yoki Bahodir o‘ta og‘ir vazn toifasida tengsizmi?
- Agar Kunkabayev yaxshi tayyorgarlik ko‘rsa, o‘zi ham Jalolovni yenga oladi. Hozir bu yerda o‘tirib, Qamshibekka jangda g‘alaba uchun nimalar yetishmaganini aytib o‘tirishdan nima naf? Unga nima yetishmaganini o‘zi juda yaxshi biladi.
Agar jangda nimadir boshqacha ketgan bo‘lsa, bu xatolarning barchasini to‘g‘rilash kerak va keyingisida hammasi joyiga tushishi mumkin. O‘ylashimcha, Qamshibek jangdan jangga yaxshi boks tushyapti.
- Toshkendagi jahon chempionatida O‘zekiston terma jamoasi a’zosi Hasanboy Do‘smatov musobaqaning eng yaxshi bokschisi, deb tan olindi. Jahon chempionatida qaysi qozog‘istonlik bokschi bu sovrinni olishi mumkin edi?
- Hasanboyning janglarini e’tibor bilan tomosha qilmadim va shuning uchun ham hozir obyektiv baho berolmayman. Mahmud Sobirxon hayratga soldi va unga ham bu sovrinni berish mumkin. Bizda ham zo‘r bokschilar ko‘p.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
Kim Chen In harbiylarni jangovar holatda turishga chaqirdi
Ijtimoiy tarmoqlar davrida ruhiy salomatlikni qanday saqlash mumkin?
Shimoliy Koreya Rossiyaga uzoqqa zarba beruvchi qurollar yubordi
Rashida Tolib Kongress a’zolariga «achchiq haqiqat»ning suratini ko‘rsatdi
KXDR Rossiyaga 100 minggacha harbiy yuborishi mumkin
Tyumen oblastiga O‘zbekistondan mehnat migrantlari ishga jalb qilinadi
