O‘smirlar o‘rtasidagi jahon chempionatida guruh bosqichi rasman yakunlandi va barcha termalar navbatdagi davradagi raqiblarini bilib oldi. Endi esa pley-off bahsi — 1/16 final o‘yinlari start olmoqda. Bugun stadionlarda katta ehtiros, murosasiz kurash va yangi qahramonlar paydo bo‘lishi kutilmoqda.
Xalqaro futbol jamoatchiligi diqqat markazida bo‘ladigan sakkizta to‘qnashuv quyidagi vaqtlarda o‘tkaziladi:
17:30 — Portugaliya U-17 vs Belgiya U-17
17:30 — Zambiya U-17 vs Mali U-17
18:00 — Shveysariya U-17 vs Misr U-17
18:30 — Fransiya U-17 vs Kolumbiya U-17
19:45 — Argentina U-17 vs Meksika U-17
20:15 — Irlandiya U-17 vs Kanada U-17
20:45 — AQSH U-17 vs Marokash U-17
20:45 — Braziliya U-17 vs Paragvay U-17
Har bir bellashuv bir o‘rin uchun, bir umid uchun, bir qadam oldinga harakat uchun kechadi. Kimdir orzu yo‘lini davom ettiradi, kimdir esa musobaqani shu yerda yakunlaydi — pley-offning o‘ziga xos dramasi ham shunda.
E’tiboringizni yana bir muhim o‘yinga qaratamiz. Ertaga Islombek Ismoilov boshchiligidagi O‘zbekiston U-17 terma jamoasi tarixiy sinovga chiqadi. Yigitlarimiz pley-off bosqichida Xorvatiya U-17 jamoasiga qarshi maydonga tushishadi.
Bo‘lajak uchrashuv Toshkent vaqti bilan 20:45da start olishi rejalashtirilgan. Terma jamoamiz so‘nggi o‘yinlarda qattiq iroda, o‘yin intizomi va jamoaviy ruhni namoyish qilganini inobatga olsak, bu to‘qnashuv ham o‘ta mas’uliyatli va shu bilan birga umidbaqsh bo‘lishi tayin.
O‘zbekiston futbol muxlislari ertaga stadion va ekran oldidan joy oladi — chunki pley-offda har bir minut tarixga aylanishi mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
