APLning 15-turida "Liverpul" va "Lids" jamoalari o‘rtasida o‘tgan dramatik uchrashuv 3:3 hisobidagi durang bilan yakunlandi. Uchrashuv oxirida Tanaka mezbonlarni mag‘lubiyatdan qutqarib qoldi.
O‘yin juda tezkor boshlandi. "Liverpul" darhol to‘pni nazoratga olib, o‘ng qanot orqali hujumlarni boshladi.
48-daqiqada "Lids" himoyachisi xato uzatma berdi va Ugo Ekitike to‘pni egallab, markazdan jarima maydoniga kirib, uzoq burchakka aniq zarba yo‘lladi va hisobni ochdi. Oradan ikki daqiqa o‘tib, Ekitike yana e’tibor markazida bo‘ldi.
O‘ng qanotdan Bredling uzatmasidan so‘ng, Ekitike to‘pni yiqilgan holda uzoq burchakka yo‘naltirib, dubl qayd etdi va mehmonlarning ustunligini oshirdi. "Lids" avvaliga qiyin ahvolda ko‘rindi, ammo asta-sekinlik bilan qarshi hujumlar tashkil qila boshladi.
Mezbonlar qanotlardagi faollik bilan o‘yinga qaytishdi. Kalvert-Lyuin 73-daqiqada penalti amalga oshirib, hisobni qisqartirdi.
Keyin esa Staks yaqin burchakka aniq zarba yo‘llab, hisobni tenglashtirdi. Uchrashuv yakuni haqiqatan ham dramatik bo‘ldi.
Soboslai "Liverpul"ni tezkor hujumda yana oldinga olib chiqdi. Ammo so‘nggi so‘z "Lids" futbolchilariga tegishli bo‘ldi.
90-daqiqada Tanaka jarima maydonining burchagidan rikoshet orqali darvozabonni chalg‘itib, gol urdi. O‘yin natijasi 3:3 hisobidagi durang bilan tugadi.
Lids – Liverpul 3:3
Gollar: Kalvert-Lyuin 73 pen, Shtah 75, Tanaka 90+6 – Ekitike 48, 50, Soboslai 80
Lids – Perri, Biyol (Aaronson, 65), Streyk, Rodon, Bogl (Bornau, 90+3), Ampadu (Pir-u, 87), Shtah, Gruyev (Tanaka, 65), Gudmundsson, Kalvert-Lyuin, Okafor (Nonto, 65).
Liverpul – Alisson, Van Deyk, Konate, Kerkez, Virts (Makallister, 68, Soboslai, Bredli (Gomes, 68), Jons, Gakpo (Endo, 83), Gravenberh, Ekitike (Isak, 84)
Ogohlantirishlar: Bogl 20, Gudmundsson 26, Streyk 89 – Bredli 45+3, Van Deyk 81, Gomes 90+1
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
