Tramp: "Krishtianu Ronaldo menga qo‘ng‘iroq qildi"

AQSH prezidenti Donald Tramp ijtimoiy tarmoqlarda muhim xabar qoldirdi. Trampning so‘zlariga ko‘ra, unga yaqinda Jahon chempionati – 2026 qur’a tashlash marosimida FIFA tomonidan tinchlik mukofoti topshirilganidan so‘ng, Krishtianu Ronaldu qo‘ng‘iroq qilgan.

Ma’lumki, yaqinda Tramp Ronalduni Oq uyda qabul qilgan edi. "Krishtianu Ronaldu – buyuk futbolchi!

U menga qo‘ng‘iroq qilib, Oq uy va Oval kabinet bo‘ylab ekskursiya uchun minnatdorchilik bildirdi. Ajoyib inson – nafaqat sportchi sifatida, balki inson sifatida ham. Bunday odam bo‘lish qiyin!" – deb yozdi Tramp.

Shuningdek, Ronalduning o‘zi ham avvalroq AQSH prezidentining turli hududlarda tinchlikni o‘rnatish bo‘yicha olib borayotgan sa’y-harakatlaridan hayratga tushganini bildirgan edi.

Krishtianu Ronaldu Pirs Morgan bilan suhbatda butun sayyorada odamlar tinchlikda yashashini orzu qilishini ta’kidlagan.