O‘zgidromet 5 dekabr kuniga mo‘ljallangan ob-havo ma’lumotlarini e’lon qildi. Taxminlarga ko‘ra, ertaga respublikaning ayrim hududlarida yomg‘ir kuzatilishi mumkin.
Toshkent shahrida havo o‘zgaruvchan bo‘lib, kechasi va ertalab biroz yomg‘ir yog‘ishi ehtimol qilinmoqda. Kunduzi yog‘ingarchilik kutilmaydi, ammo tuman tushishi mumkin. Shamol 3–8 m/s tezlikda esadi. Harorat kechasi 2–4 daraja iliq, kunduzi 9–11 daraja atrofida bo‘ladi.
Qoraqalpog‘iston va Xorazmda yog‘ingarchilik kutilmaydi, ammo ba’zi joylarda tuman saqlanib turishi mumkin. Shuningdek, 7–12 m/s tezlikdagi sharqiy shamol kuzatiladi. Harorat kechasi 2–7 daraja sovuq, kunduzi 3–8 daraja iliq bo‘ladi.
Buxoro va Navoiyda ham havo asosan musaffo, faqat ayrim joylarda tuman bo‘lishi mumkin. Harorat kechasi −2 dan +3 darajagacha, kunduzi 6–11 daraja iliq bo‘ladi.
Toshkent, Samarqand, Sirdaryo va Jizzaxda kechasi va ertalab yomg‘ir ehtimoli mavjud. Shamol 7–12 m/s atrofida. Harorat 0–5 daraja iliq, ayrim joylarda 2 daraja sovuq, kunduzi 6–11 daraja bo‘lishi kutilmoqda.
Qashqadaryoda yomg‘ir kutilmaydi, ba’zi hududlarda tuman kuzatilishi mumkin. Kechasi 0–5 daraja iliq, kunduzi 8–13 daraja atrofida bo‘ladi.
Surxondaryoda ayrim joylarda yomg‘ir ehtimoli saqlanib qoladi. Harorat kechasi 0–5 daraja, kunduzi 8–13 daraja iliq.
Andijon, Namangan va Farg‘onada ham qisman yomg‘ir yog‘ishi mumkin. Tungi harorat −3 dan +2 darajagacha, kunduzi 6–11 daraja iliq bo‘lishi kutilmoqda.
Tog‘li hududlarda esa yomg‘ir va qor aralash yog‘ingarchilik bo‘lishi mumkin. Harorat kechasi va kunduzi −2 dan +3 darajagacha o‘zgaradi.
Mehmon guruhidagi foydalanuvchilar ushbu nashrga izoh qoldira olmaydi.
