O‘zbekistonda qish faslining dastlabki kunlari qanday ob-havo bilan kirib kelishi haqida “O‘zgidromet” to‘liq va keng qamrovli prognozini taqdim etdi. 1-dekabr, dushanba kuni butun respublika bo‘ylab qanday iqlim sharoiti kutilayotgani oydinlashdi. Qishning boshida ba’zi hududlarda yengil tumanlar va sharqdan esayotgan shamollar asosiy fonni belgilashi kutilmoqda.
Toshkent shahrida osmon o‘zgaruvchan holatda bo‘lib, yog‘ingarchilik ehtimoli deyarli ko‘rilmaydi. Shamol sharqiy yo‘nalishdan 3–8 m/s tezlikda esayotgan bo‘ladi. Havo harorati kechasi 1 daraja sovuqdan 1 daraja iliqqacha o‘zgarsa, kunduzgi vaqtda 11–13 daraja atrofida yanada iliqroq bo‘lishi prognoz qilingan.
Qoraqalpog‘iston va Xorazm viloyatida ham umumiy xarorat shunga yaqin: osmon qisman ochiq, yomg‘ir bo‘lmaydi. Ayrim joylarda tuman past tushishi mumkin. Shamol sharqiy tarafdan 7–12 m/s kuch bilan esayotgan bo‘ladi. Harorat kechasi 0–5 daraja sovuq, kunduzi esa 8–13 daraja iliq bo‘lib turishi kutilmoqda.
Buxoro va Navoiyda ham shunga o‘xshash ob-havo kuzatiladi — osmon o‘zgaruvchan, yog‘ingarchilik kuzatilmaydi, ba’zi joylarda tuman paydo bo‘lishi mumkin. Shamol 7–12 m/s atrofida esadi. Havo harorati kechasi 2 daraja sovuqdan 3 daraja iliqqacha, kunduzi esa 10–15 daraja iliq bo‘ladi.
Toshkent viloyati, Samarqand, Sirdaryo va Jizzax hududlarida ham xuddi shunday barqarorlik saqlanadi: yomg‘ir yog‘ish ehtimoli past. Ayrim joylarga tuman tushadi. Shamol 7–12 m/s tezlikda esadi. Harorat kechasi –2 sovuqdan +3 daraja iliqqacha, kunduzi 10–15 daraja iliq atrofida bo‘ladi.
Qashqadaryo va Surxondaryoda shamol biroz kuchliroq — 7–12 m/s bo‘ladi. Harorat kechasi –2 daraja sovuqdan +3 daraja iliqqacha o‘zgaradi, ba’zi joylarda esa kechasi havo 2 darajagacha sovuqroq bo‘lishi mumkin. Kunduzi esa 12–17 daraja iliq bo‘ladi.
Andijon, Namangan va Farg‘ona viloyatlari uchun ham o‘xshash vaziyat: yog‘ingarchiliksiz kun va ayrim joylarda tuman tushishi extimoli bor. Shamol 5–10 m/s orasida esadida. Harorat kechasi 0–5 daraja sovuq, kunduzi 8–13 daraja iliq bo‘ladi.
Tog‘larda va tog‘ oldi hududlarda yog‘ingarchilik ko‘zlanmaydi, shamol 7–12 m/s atrofida esadi. Harorat kechasi 0–5 daraja iliq, kunduzi esa 5–10 daraja iliq bo‘lishi kutilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
