Fransuz himoyachisi Teo Ernandes "Milan"ni tark etib, Saudiya Arabistoniga yo'l oldi. Biroq yangi jamoasida u kutilgan darajada taassurot qoldira olmayapti, shu bois hozirda u to'p surayotgan "Al-Hilol" muxlislari futbolchining o'yinidan norozilik bildirmoqda. Bu haqda euro-football.ru xabar beradi.
Yaqinda Ernandes navbatdagi mag'lubiyatdan so'ng ijtimoiy tarmoqlarda muxlislardan uzr so'radi. Ammo javob tariqasida kommentariyalarda uning manziliga keskin tanqidlar yog'ildi.
Fikr bildirganlar Teoning uzr so'rashlari "zerikarli" bo'lib qolganini, u semirib ketgani va avvalgidek yugurmay qo'ygani haqida yozishdi. Ayrim muxlislar esa himoyachi maydonda shunchaki "raqamini o'tab yurgani"ni, buni hatto Saudiya chempionatida ham payqash qiyin emasligini ta'kidladi.
“Zamin”ni Telegramʻda oʻqing!
