Turkiyaning "Kayserispor" klubida to‘p surayotgan rossiyalik yarim himoyachi Denis Makarov jarohat olib, noma’lum muddatga maydonga tusha olmaydi. Bu haqda klub matbuot xizmati xabar berdi. Bu haqda euro-football.ru xabar beradi.
Tekshiruvlar davomida futbolchining o‘ng sonining yuqori qismida joylashgan mushaklar guruhida yengil shikastlanish hamda shish aniqlangani ma’lum qilindi. Hozirda Makarov davolanishni davom ettirmoqda.
Makarov "Kayserispor" safidagi ilk o‘yinini 3 fevral kuni "Galatasaray"ga qarshi uchrashuvda o‘tkazgandi. Bellashuv 0:4 hisobida yakunlangan, uning jamoasi turnir jadvalida 17-o‘rinda bormoqda va ligada qolish uchun kurashmoqda. Avvalroq yarim himoyachi Moskvaning "Dinamo" klubida o‘ynagan va jamoani erkin agent sifatida tark etgandi.
“Zamin”ni Telegramʻda oʻqing!
