Mashhur xonanda Ozoda Nursaidova kechagi konsertining ilk kunidayoq tomoshabinlar uchun unutilmas shou taqdim etdi. San’atkor sahnaga odatdagidek emas, balki mutlaqo noodatiy va kreativ uslubda kirib kelib, zalda o‘tirgan muxlislarni hayratga soldi.
U sahnaga go‘yoki fil ustida o‘tirgan holda kirib keldi. Bu kutilmagan chiqish tomoshabinlarda katta taassurot uyg‘otib, ijtimoiy tarmoqlarda ham qizg‘in muhokamalarga sabab bo‘ldi. Ko‘pchilik dastlab bu haqiqiy hayvon deb o‘ylagan bo‘lsa-da, aslida bu maxsus sahna dekoratsiyasi — fil ko‘rinishida yaratilgan rekvizit bo‘lgani ma’lum bo‘ldi.
Mazkur sahna yechimi konsertga o‘ziga xos shukuh va teatr elementlarini olib kirib, tomoshani yanada jonli va esda qolarli qildi. Ozodaning bunday ijodiy yondashuvi uning muxlislari tomonidan iliq kutib olindi va san’atkorning sahna obraziga yangicha rang berdi.
Ta’kidlash joiz, bugungi kunda tomoshabinlarni hayratda qoldirish oson emas. Ammo Ozoda Nursaidova yana bir bor o‘zining sahnadagi kreativligi va shou qilish borasidagi mahoratini namoyish eta oldi.
