Mashhur xonanda Ozoda Nursaidova o‘z konsertida muxlislar kutgan yana bir yorqin chiqish bilan sahnani larzaga soldi. San’atkor so‘nggi paytlarda ijtimoiy tarmoqlarda keng tarqalib, portlab ketgan “Ko‘k jiguli” qo‘shig‘ini bu safar mutlaqo o‘zgacha talqinda ijro etdi.
E’tiborlisi, tarona odatdagidek yakkaxon emas, balki duet shaklida yangradi. Bu esa qo‘shiqqa yangi ohang va boshqacha kayfiyat bag‘ishlab, tomoshabinlar uchun yanada qiziqarli bo‘ldi. Ozodaning har doimgidek sahnaga kreativ yondashuvi, musiqaga o‘ziga xos uslubda yondashishi yana bir bor namoyon bo‘ldi.
Zaldagi muxlislar esa san’atkorni iliq kutib olib, qo‘llab-quvvatlashdan charchamadi. Ular qo‘shiq davomida birga kuylab, konsert muhitini yanada ko‘tarinki ruhda davom ettirishdi.
Ta’kidlash joiz, Ozoda Nursaidova har bir chiqishida yangilik qilishga intilishi, mashhur qo‘shiqlarga yangicha ruh bag‘ishlashi bilan ajralib turadi. Mazkur duet ham uning ijodidagi yana bir esda qolarli sahna chiqishlaridan biri bo‘lib qoldi.
