Bir paytlar “Real” safida toʻp surgan Esteban Granero madridliklar bosh murabbiyi Alvaro Arbeloaning hozirgi ish faoliyati haqida fikr bildirdi. Bu haqda euro-football.ru xabar beradi.
Graneroning aytishicha, Arbeloa uzoq muddatli reja zarurligini yaxshi tushunadi va bu rejaning asosi sadoqat, mustahkamlik hamda tinimsiz mehnatdan iborat. U jamoada ijobiy energiya kuchli ekanini ham alohida taʼkidladi.
“Uning oldida hali quradigan ishlar koʻp, ammo menimcha, eng muhim narsalarni u allaqachon amalga oshirib boʻldi”, — deya Graneroning soʻzlarini DAZN keltirdi.
Eslatib oʻtamiz, Arbeloa yanvar oyida “Real” boshqaruvini Xabi Alonsodan qabul qilib olgandi. 43 yoshli mutaxassis qoʻl ostida “qirollik klubi” barcha musobaqalarda 7 oʻyinning 5 tasida gʻalaba qozondi.
Hozirda Madrid jamoasi La Liga turnir jadvalida ikkinchi oʻrinda bormoqda va yetakchi “Barselona”dan atigi bir ochko ortda qolmoqda.
“Zamin”ni Telegramʻda oʻqing!
