“Lokomotiv”ning sobiq prezidenti Nikolay Naumov “Benfika” bosh murabbiyi Joze Mourinyu faoliyatini qaysi chempionat davom ettirishi mumkinligi haqida fikr bildirdi. U o‘z mulohazalarini “Yevro-Futbol.Ru” nashriga bergan intervyusida aytdi. Bu haqda euro-football.ru xabar beradi.
Naumovning ta’kidlashicha, Mourinyu uchun eng yorqin davr ortda qolgan bo‘lishi mumkin. Uningcha, portugaliyalik mutaxassis biroz tanaffus qilishi kerak, chunki futbol tendensiyalaridan ortda qolgan: avvallari sirli va noodatiy uslubi bilan ajralib turgan murabbiy hozirda oddiyroq va kutiladigan ko‘rinishga kelib qolgan.
Ekspert Mourinyu uchun eng qulay yo‘nalish sifatida Saudiya Arabistoni chempionatini tilga oldi. Naumov fikricha, u yerda maoshlar yuqori, shov-shuvlarni yaxshi ko‘rishadi va yoshi katta, nomdor futbolchilar bilan ishlash imkoniyati ko‘p.
Ayni paytda Mourinyu boshqaruvidagi “Benfika” Chempionlar ligasi 1/16 finalida Madridning “Real” jamoasiga qarshi maydonga tushadi. Dastlabki uchrashuv 17-fevral kuni Portugaliyada bo‘lib o‘tadi.
“Zamin”ni Telegramʻda oʻqing!
