«Lokomotiv» sobiq prezidenti Nikolay Naumov «Benfika» bosh murabbiyi Joze Mourinyuning keyingi faoliyati haqida fikr bildirib, unga qaysi chempionat ko‘proq to‘g‘ri kelishini aytdi. Mutaxassis bu boradagi mulohazalarini «Yevro-Futbol.Ru»ga bergan intervyusida bo‘lishdi. Bu haqda euro-football.ru xabar beradi.
Naumovning ta’kidlashicha, Mourinyu avvalgi yillardagi kabi sirli va kutilmagan yechimlari bilan ajralib turadigan murabbiy emas. Uningcha, portugaliyalik mutaxassis futbol rivojidan biroz ortda qolgan va hozirgi ko‘rinishida oddiyroq, o‘rtacha darajadagi murabbiy taassurotini qoldirmoqda.
Shu sabab Naumov Mourinyu uchun Saudiya Arabistoni chempionati qulay variant bo‘lishi mumkinligini aytdi: u yerda maoshlar yuqori, shov-shuv va janjallarni yoqtirishadi, shuningdek tajribali, yoshi katta yulduz futbolchilar bilan ishlash imkoniyati bor. Naumov fikricha, aynan shu muhit Mourinyuga mos tushadi.
Eslatib o‘tamiz, Mourinyu boshchiligidagi «Benfika» Chempionlar ligasi 1/16 finalida Madridning «Real» jamoasiga qarshi maydonga tushadi. Dastlabki uchrashuv 17-fevral kuni Portugaliyada bo‘lib o‘tadi.
“Zamin”ni Telegramʻda oʻqing!
