"Lokomotiv"ning sobiq prezidenti Nikolay Naumov hozirda "Benfika"ni boshqarayotgan Joze Mourinyu faoliyatini qaysi chempionat davom ettirishi mumkinligi haqida fikr bildirdi. U bu boradagi mulohazalarini "Yevro-Futbol.Ru" nashriga bergan intervyusida aytib o'tdi. Bu haqda euro-football.ru xabar beradi.
Naumovga ko'ra, Mourinyuning eng yorqin davri ortda qolgan: ekspert portugaliyalik mutaxassis futbol rivojidan biroz orqada qolganini, avvallari sirli va kutilmagan qarorlari bilan ajralib turgan bo'lsa, hozirda esa oddiyroq va qolipdagi murabbiyga aylanib qolganini ta'kidladi.
U Mourinyu uchun eng maqbul manzil sifatida Saudiya Arabistoni chempionatini ko'rsatdi. Naumov bu yerda maoshlar yuqoriligi, mojarolar doim e'tiborda bo'lishi va tajribali, yoshi katta yulduz futbolchilar bilan ishlash imkoniyati borligini qayd etdi.
Mourinyu boshqaruvidagi "Benfika" Yevropa Chempionlar ligasi 1/16 finalida Madridning "Real" jamoasiga qarshi maydonga tushadi. Dastlabki uchrashuv 17-fevral kuni Portugaliyada bo'lib o'tadi.
“Zamin”ni Telegramʻda oʻqing!
