«Lokomotiv»ning sobiq prezidenti Nikolay Naumov «Benfika» bosh murabbiyi Joze Mourinyo faoliyatini davom ettirishi mumkin bo‘lgan chempionat haqida fikr bildirdi. U bu boradagi mulohazalarini «Yevro-Futbol.Ru» nashriga bergan intervyusida aytib o‘tdi. Bu haqda euro-football.ru xabar beradi.
Naumovning ta’kidlashicha, Mourinyoning eng yorqin davri ortda qolgan: mutaxassis bir muddat tanaffus qilib, o‘zini qayta tiklashi kerak. Uning fikricha, avvallari sirli va kutilmagan qarorlari bilan ajralib turgan murabbiy hozirda ancha oddiy va o‘rtacha ko‘rinishga tushib qolgan.
Shu bois Naumov Mourinyoga Saudiya Arabistoni chempionatini tavsiya qildi. U yerda maoshlar yuqori ekani, janjal va shov-shuvlar tez-tez uchrashi, shuningdek, tajribali va yoshi katta yulduz futbolchilar bilan ishlash imkoniyati borligini qayd etdi.
Mourinyoning «Benfika»si Chempionlar ligasi 1/16 finalida Madridning «Real»iga qarshi maydonga tushadi. Dastlabki uchrashuv 17 fevral kuni Portugaliyada bo‘lib o‘tadi.
“Zamin”ni Telegramʻda oʻqing!
