La Ligada quyi pog'onalarga tushib qolgan "Mallorka" yakshanba kuni o'z maydonida "Betis"ni qabul qildi. Sevilaliklar to'pni raqibga ko'proq berib, ikkinchi raqamda juda tartibli o'ynadi va aynan qarshi hujumlarda ustunlikni qo'lga kiritdi. Bu haqda euro-football.ru xabar beradi.
Uchrashuvning 3-daqiqasida Mark Roka jarima maydoni tashqarisidan zarba berib, to'pni ustunga tekkizdi. "Mallorka" tezkor hujumda Xan Virxili orqali xavfli vaziyat yaratdi, biroq darvozabon hushyor edi. 18-daqiqada esa "Betis"ning navbatdagi qarshi hujumi samara berdi: Antoni darvozabonni yenga olmadi, ammo Pablo Maffeoning xatosidan so'ng Abde Ez hisobni ochdi — 0:1. Birinchi bo'limga qo'shib berilgan daqiqalarda yana shiddatli hujum uyushtirildi va Antonining uzatmasidan Sedrik Bakambu aniq foydalandi — 0:2.
Ikkinchi bo'limda Zitu Luvumbu o'yinga qiziqish qaytarishi mumkin edi, ammo qulay vaziyatda darvoza nishoniga tegiza olmadi. 66-daqiqada "Mallorka" baribir bitta to'p bilan javob berdi: Serxi Darderning uzatmasini Vedat Muriki bosh bilan yakunlab, hisobni qisqartirdi — 1:2. Yakunda mezbonlar darvozaboni Antoni va Ezning yana bir necha xavfli urinishlarini qaytardi, biroq hisob o'zgarmadi.
Bu g'alabadan keyin "Betis" turnir jadvalida 5-o'rindagi o'rnini mustahkamladi. "Mallorka" esa pastdan uchinchi pog'onada qolmoqda.
“Zamin”ni Telegramʻda oʻqing!
