Saudiya Arabistoni chempionatining 22-turi doirasidagi safar uchrashuvida «Al-Nasr» «Al-Fateh»ni 2:0 hisobida mag‘lub etdi. Bellashuvda 41 yoshli markaziy hujumchi Krishtianu Ronaldu ham gol urib, tanaffusdan so‘ng maydonga qaytganini natija bilan bezadi. Bu haqda euro-football.ru xabar beradi.
Uchrashuvdan so‘ng futbol sharhlovchisi Aleksandr Yelagin portugaliyalik yulduzning o‘yinini alohida e’tirof etdi. Uning so‘zlariga ko‘ra, Ronaldu nafaqat gol urdi, balki himoyada ham faol ishladi: bir necha bor jarima maydonchasidan to‘pni uzoqlashtirib, jamoasiga yordam berdi.
Yelagin ijtimoiy tarmoqlardagi postida Ronaldu harakatini yuqori baholab, uni «yosh boladek yuguradi» deya ta’rifladi va bunday sport formasiga qoyil qolishini yozdi.
Joriy mavsumda Ronaldu Saudiya Arabistoni chempionatida 19 o‘yinda 18 ta gol muallifiga aylangan.
“Zamin”ni Telegramʻda oʻqing!
