Urugvaylik hujumchi Edinson Kavani «Boka Xuniors»ni tark etishi mumkin. Gap shundaki, bu qaror futbolchining o'z xohishidan ko'ra ko'proq klub va tribunalar bosimi ostida yuz berishi ehtimoli kuchaymoqda: uning o'yini muxlislarni qoniqtirmayapti va so'nggi uchrashuvlarda hushtakbozliklar tobora ko'paymoqda. Bu haqda euro-football.ru xabar beradi.
Oxirgi bor Kavani zaxiraga olinganida ham u maydonni tark etayotganda tribunalar keskin hushtaklar bilan kuzatdi. Biroq o'rinbosarlik natija bermadi: «Boka» «Platense» darvozasini ishg'ol qila olmadi va uchrashuv 0:0 hisobida yakunlandi. Endi Argentina OAVlari Kavanining shartnomasini uzaytirish masalasini ehtiyotkorlik bilan baholamoqda. Qolaversa, klub yaqinda paragvaylik Adam Bareyroni transfer qildi va ko'pchilik aynan u 39 yoshli tajribali forvardni asosiy tarkibdan siqib chiqarishini kutmoqda.
“Zamin”ni Telegramʻda oʻqing!
