Argentina futbol assotsiatsiyasi (AFA) prezidenti Klaudio Tapia ijtimoiy badallar to'lanmagani yuzasidan ochilgan ish doirasida prokuraturaga so'roqqa chaqirildi. Bu haqda euro-football.ru xabar beradi.
Ushbu ishda AFA g'aznachisi Pablo Tovigino ham gumondor sifatida tilga olinmoqda. Huquq-tartibot idoralari ikkisini ham mamlakatni tark etishini taqiqladi.
So'roq 5 mart kuni bo'lib o'tadi. Tergovga ko'ra, AFA tomonidan to'lanishi lozim bo'lgan ijtimoiy badallar bo'yicha davlat g'aznasiga 13 million dollar yetib kelmagan.
Shuningdek, Tapia mulkiga tegishli, 10 gektar maydondagi vertolyot qo'nish maydonchasiga ega qo'rg'on ham tekshiruv markazida turibdi.
Prokuratura futbolchilarga berilgan bonuslar miqdorini ham alohida o'rganmoqda: ayrim ma'lumotlarga ko'ra, bu ko'rsatkich Tapianing dunyo bo'ylab parvoz xarajatlaridan ham kamroq.
“Zamin”ni Telegramʻda oʻqing!
