Urugvaylik hujumchi Edinson Kavani «Boka Xuniors»ni tark etishi mumkin, buning sababi esa uning o‘zi xohlamagan holatda ham yuz berishi ehtimoli bor. So‘nggi o‘yinlarda tajribali futbolchining harakati muxlislarni qoniqtirmayapti va tribunadan hushtaklar tobora ko‘paymoqda. Bu haqda euro-football.ru xabar beradi.
Navbatdagi epizod almashtirilgan paytda kuzatildi: «Matador» maydonni tark etarkan, muxlislar uni keskin hushtakbozlik bilan kuzatib qo‘ydi. Biroq o‘zgarish ham natija bermadi — «Boka» «Platense» darvozasini ishg‘ol qila olmadi va bahs 0:0 hisobida yakunlandi.
Shundan keyin Argentina OAV Kavani bilan shartnomani uzaytirish masalasiga juda ehtiyotkor baho bermoqda. Qolaversa, klub paragaylik hujumchi Adam Bareyroni ham safga qo‘shib oldi va ko‘pchilik aynan u 39 yoshli veteran Kavanini asosiy tarkibdan siqib chiqarishini kutmoqda.
“Zamin”ni Telegramʻda oʻqing!
