«Real Madrid» bosh murabbiyi Alvaro Arbeloa Ispaniya chempionati 30-turidan oldin, “Malyorka”ga qarshi uchrashuv haqida fikrlarini bayon qildi. Mutaxassisning taʼkidlashicha, madridliklar hozirgi paytda o‘zlari istagan nuqtada turibdi — jamoa ham chempionlik uchun, ham Chempionlar Ligasida bosh sovrinni qo‘lga kiritish uchun qatʼiy kurashmoqda.
Arbeloa shu bilan birga barcha diqqat va eʼtibor faqat yaqinlashib kelayotgan o‘yinga qaratilganini aytdi. “Malyorka”ga qarshi bahs oson bo‘lmaydi, chunki raqib jiddiy va uchrashuv tanaffusdan keyin darhol bo‘lib o‘tadi. Men futbolchilarning mashg‘ulotlardagi mehnatini va ruhini ko‘rmoqdaman. Ularning sovrinlar uchun kurashishga bo‘lgan ishtiyoqi va yuqori diqqati juda ruhlantiruvchi», — dedi Arbeloa Madrid Xtraga.
Eslatib o‘tamiz, uchrashuv 4 aprel, shanba kuni bo‘lib o‘tadi va boshlanish vaqti Toshkent vaqti bilan 19:15. Madridliklar muxlislari uchun bu bahs nafaqat ochko uchun, balki sovrin yo‘lida muhim ahamiyatga ega.
“Zamin”ni Telegramʻda oʻqing!
