Antonio Rüdiger Real Madrid bilan shartnomani uzaytirdi
Germaniyalik himoyachi Antonio Ryudiger Madridning Real jamoasi bilan yangi kelishuvga rasman rozi bo'ldi va jamoada yana bir mavsum qoladigan bo'ldi. Dastlab ikki yillik shartnoma istagan 31 yoshli futbolchi klubning faxriy o'yinchilar uchun belgilangan bir yillik siyosatini hurmat qilgan holda shartnomaga imzo chekdi. Joriy mavsumda jarohatlar va og'riqlarga qaramay o'z sport formasini tiklagan himoyachining matonati hamda fidoyiligi rahbariyat tomonidan yuqori baholandi.
Antonio Rüdiger Real Madrid jamoasida qoladigan bo'ldi. Germaniyalik himoyachi klubning shartnomani uzaytirish bo'yicha taklifiga rasman rozi bo'ldi va Madridda yana bir mavsum to'p suradigan bo'ldi. Bu haqda Goal.com xabar beradi.
AS nashri xabariga ko'ra, 31 yoshli futbolchi klubning faxriy o'yinchilar uchun belgilangan bir yillik shartnoma siyosatini hurmat qilgan holda, kelishuvga imzo chekdi. Rüdiger dastlab ikki yillik shartnoma istagan bo'lsa-da, yakunda jamoada qolishni ustun qo'ydi.
Chelsi klubidan kelganidan buyon muxlislar mehrini qozongan Rüdiger himoya chizig'idagi ishonchli o'yini bilan ajralib turadi. Uning bu qarori transferlar haqidagi barcha mish-mishlarga chek qo'ydi va u 2026-27 yilgi mavsumda ham "Qirollik klubi" sharafini himoya qiladi.
Joriy mavsumda jarohatlar tufayli qiynalgan himoyachi operatsiyadan so'ng o'z sport formasini tiklab oldi. Rüdigerning og'riqlarga qaramay maydonda ko'rsatgan matonati va fidoyiligi murabbiylar shtabi hamda klub rahbariyati tomonidan yuqori baholandi.
Izohlar 0
…