Myunxenning Bavariya klubi Eyntraxt Frankfurt himoyachisi Nathaniel Brownni transfer qilish borasidagi saʼy-harakatlarini kuchaytirmoqda. Sport1 xabariga koʻra, Bavariya rahbariyati 22 yoshli futbolchini jamoaga olib kelish masalasini jiddiy koʻrib chiqmoqda. Manbalarga koʻra, dushanba kuni klub vakillari futbolchining agentlari bilan dastlabki muzokaralarni oʻtkazgan. Bu haqda Goal.com xabar beradi.
Bavariyaning bu qiziqishi asosiy chap qanot himoyachisi Alphonso Daviesning tez-tez jarohat olib turishi bilan bogʻliq. Kanadalik futbolchi uzoq vaqt davomida tizzasidagi jarohat va mushaklardagi muammolar sababli maydonga tusha olmayapti. Shu bois, Myunxen klubi himoya chizigʻini kuchaytirish uchun Brown nomzodiga toʻxtalgan.
Eyntraxt Frankfurt futbolchi uchun kamida 60 million yevro talab qilmoqda. 2030-yilga qadar moʻljallangan shartnomaga ega boʻlgan Brown oʻtgan mavsumda 42 ta oʻyinda maydonga tushib, 4 ta gol urdi va 6 ta golli uzatmani amalga oshirdi. Germaniya terma jamoasi safida ham oʻzini koʻrsatgan himoyachiga Real Madrid, Barselona, PSJ va Liverpul klublari ham qiziqish bildirmoqda.
“Zamin”ni Telegramʻda oʻqing!
