Madridning “Real” klubi bosh murabbiyi Alvaro Arbeloa so‘nggi kunlarda Kilian Mbappe haqida tarqatilgan xabarlarga o‘z munosabatini bildirdi. U ayni paytda tarqalgan maʼlumotlar haqiqatga to‘g‘ri kelmasligini taʼkidlab, eʼtiborni futbolchining gollari va maydondagi samarali harakatlariga qaratish kerakligini aytdi.
"So‘nggi kunlarda Kilian haqida chiqarilgan maʼlumotlar to‘liq yolg‘on. Hozir eng to‘g‘risi — bu mavzuni orqada qoldirib, uning gollariga eʼtibor qaratmoq. U o‘z oldingi darajasiga qaytsin", — dedi Arbeloa.
Murabbiy shundan so‘ng derbi uchrashuvida Mbappening zahirada qolishi bo‘yicha fikr bildirdi: “Bu qaror to‘liq mantiqiy edi. Biz har bir masalani ochiq muhokama qildik va u ham men bilan har doim ochiq muloqotda bo‘lgan. Asosiy tarkibda tushmasligi jamoa strategiyasiga mos keladi”, — dedi Arbeloa.
Shuningdek, murabbiy futbolchi ustidan bosimni kamaytirishga ham alohida eʼtibor qaratdi. Uning fikriga ko‘ra, Mbappe va Vinisius Junior kabi hujumchilar himoyada kamroq ishtirok etib, maydonda ko‘proq gol urishi kerak.
“Kilian katta ijodiy va mehnatbardoshlikka ega, men nimani talab qilayotganimni yaxshi tushunadi. Bu Vinisiusga ham taalluqli. Hujumchilar himoyachilardan kamroq himoya qilishlari, lekin ko‘proq hujum qilishlari kerak.
Biz har kuni birdam jamoa bo‘lishimiz zarur. Hozir eʼtiborni bellashuvlarga qaratish kerak va kuchni tejamaslik lozim. Keyin esa futbolchilarning individual mahorati o‘yin natijalarini hal qiladi”, — deya taʼkidladi ispaniyalik mutaxassis.
Mazkur bayonot orqali Arbeloa Mbappening sog‘ligi va forma holati borasidagi beasos xabarlarni to‘xtatib, muxlislarga futbolchining samarali o‘yiniga eʼtibor qaratish muhimligini yana bir bor ko‘rsatdi.
“Zamin”ni Telegramʻda oʻqing!
