10:38 / 22.11.2020
1 536

"Tottenxem" Londonda “Manchester Siti”ni taslim qildi (video)

"Tottenxem" Londonda “Manchester Siti”ni taslim qildi (video)
Angliya premer-ligasining 9-turida “Manchester Siti” safarda “Tottenxem” mehmoni bo‘ldi. Londonda kechgan bahs 2:0 hisobida maydon egalarining ishonchli g‘alabasi bilan yakunlandi.

Uchrashuvning 5-daqiqasidayoq londonliklar oldinga o‘tib oldi: Tangi Ndombelening uzatmasidan keyin Son Hyon Min darvozabon bilan birga bir vaziyatga chiqib bordi va imkoniyatni ko‘kka sovurmadi. Birinchi bo‘limda har ikki jamoada yana bir qator imkoniyatlar bo‘ldi, biroq tanaffusga qadar hisob o‘zgarishsiz qoldi.

Ikkinchi bo‘limning dastlabki daqiqalari «shaharliklar»ning bosimi ostida o‘tdi, «shporlar» esa himoyadagi ishonchli harakatlar evaziga o‘z darvozasi daxlsizligini saqlab qola oldi. 65-daqiqada Jovani lo Chelso zaxiridan maydonga qo‘shilganidan sanoqli soniyalar o‘tib gol urdi va hisobni ishonchli ko‘rinishga keltirdi.

So‘nggi daqiqalarda «Manchester Siti» yana raqib darvozasi oldida qator hujumlarni sodir etdi. Ammo shu hisob o‘zgarmay qoldi.
Shu tariqa Joze Mourino shogirdlarining ochkolari 20 taga yetdi va jamoa birinchi o‘ringa ko‘tarildi. «Manchester Siti» (12) esa 10-pog‘onada qolmoqda.

Quyida ushbu uchrashuvning qisqacha videosharhini tomosha qilishingiz mumkin:
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » "Tottenxem" Londonda “Manchester Siti”ni taslim qildi (video)