4 298
Ўзбекистон савдо ҳажмини ошириш учун Беларусга «яшил йўлак» ташкил этишни таклиф қилди
Ўзбекистон мева-сабзавот ва текстиль маҳсулотлари савдосини соддалаштириш учун Беларусга «яшил йўлак» ташкил қилиш таклифи билан чиқди. Бу ҳақда Ўзбекистон бош вазири ўринбосари Нодир Отажонов маълум қилди.
«Ўзаро маҳсулот етказиб бериш, биринчи навбатда мева-сабзавот ва текстиль маҳсулотлари учун божхона расмийлаштирувининг «яшил йўлак» деб аталувчи соддалаштирилган механизмини таклиф этамиз», – деди Отажонов Тошкентда бўлиб ўтган Ўзбекистон-Беларусь бизнес-форумида.
Унинг сўзларига кўра, Ўзбекистон ва Беларусь инвестицион ҳамкорлик ва саноат кооперациясини кенгайтириш учун фойдаланилмаётган улкан салоҳиятга эга. «Биз Ўзбекистонда Беларусь бизнеси фаолиятининг кенгайишидан манфаатдормиз», – деб таъкидлади бош вазир ўринбосари.
12 сентябрь куни Беларусь президенти Александр Лукашенко Тошкентга расмий ташрифини бошлади.
Беларусь президентининг расмий ташрифи доирасидаги асосий тадбирлар 13 сентябрь куни бўлиб ўтади. У эртага Кўксарой қароргоҳида Ўзбекистон президенти Шавкат Мирзиёев билан музокаралар ўтказади. Музокаралар тор шаклда ва делегациялар аъзолари иштирокидаги кенгайтирилган шаклда бўлиб ўтади.
Томонлар савдо-иқтисодий ҳамкорлик, ишлаб чиқариш кооперациясини ривожлантириш ва Ўзбекистонда талабгир бўлган техника ишлаб чиқариш бўйича йиғиш корхоналарини ташкил этиш масалаларини муҳокама қилиши кутилмоқда. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШнинг Ғазодаги сиёсатидан норози Давлат департаменти расмийси истеъфога чиқди
Зоир Мирзаев “Телефонсиз мактаб”га 300 млн сўм мукофот берди
Ортиқча вазнли инсонлар учун соғлом овқатланишнинг бешта муҳим қоидаси
Лукашенко Ғарбга таҳдид билан чиқди
Германияда мактаб ўқувчилари оммавий равишда ислом динини қабул қилмоқда
Сариқми ёки яшил: қайси турдаги банан фойдалироқ?
Руслар Abrams танкларининг заиф томонини топишди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради