Ўзбекистон Марказий банки 2026 йил апрел ойининг бошигача хорижий экспертлар кўмагида 2030 йилгача финтех ривожи бўйича стратегияни ишлаб чиқиши лозим. Бу давлат раҳбари фармонида белгиланган.
Шунингдек, регулятор тажрибали венчур фонд бошқарувчисига эга хорижий компанияни жалб қилиши керак. Режаларда финтех ривожи учун махсус комиссия тузиш ва 2025-2026 йиллар учун соҳани қўллаб-қувватлаш дастурини тасдиқлаш кўзда тутилган.
Эслатиб ўтамиз, 2026 йилдан бошлаб республикада токенларни тўлов воситаси сифатида қўллаш имконини берувчи махсус тартиб жорий этилади. Шунингдек, тарқатилган реестр технологиясига асосланган тўлов тизими синовдан ўтказилиши режалаштирилган.
Ушбу тизим маълумотларни бир нечта компьютерларда сақлайди ва уларни ўзаро синхронлаштиради.
Меҳмон гуруҳидаги фойдаланувчилар ушбу мақолага изоҳ қолдира олмайди.
