O‘zbekiston Markaziy banki 2026 yil aprel oyining boshigacha xorijiy ekspertlar ko‘magida 2030 yilgacha fintex rivoji bo‘yicha strategiyani ishlab chiqishi lozim. Bu davlat rahbari farmonida belgilangan.
Shuningdek, regulyator tajribali venchur fond boshqaruvchisiga ega xorijiy kompaniyani jalb qilishi kerak. Rejalarda fintex rivoji uchun maxsus komissiya tuzish va 2025-2026 yillar uchun sohani qo‘llab-quvvatlash dasturini tasdiqlash ko‘zda tutilgan.
Eslatib o‘tamiz, 2026 yildan boshlab respublikada tokenlarni to‘lov vositasi sifatida qo‘llash imkonini beruvchi maxsus tartib joriy etiladi. Shuningdek, tarqatilgan reestr texnologiyasiga asoslangan to‘lov tizimi sinovdan o‘tkazilishi rejalashtirilgan.
Ushbu tizim ma’lumotlarni bir nechta kompyuterlarda saqlaydi va ularni o‘zaro sinxronlashtiradi.
Mehmon guruhidagi foydalanuvchilar ushbu nashrga izoh qoldira olmaydi.
