Ўзбекистон Евроосиё минтақасида ўзаро инвестицияларни қабул қилиш бўйича етакчи давлатга айланди. Евроосиё тараққиёт банки маълумотларига кўра, мамлакатга жалб қилинган инвестициялар ҳажми 10,7 миллиард АҚШ долларидан ошиб, бу минтақанинг умумий кўрсаткичининг 22 фоизини ташкил этади.
Шунингдек, Ўзбекистон хорижга инвестиция киритишда ҳам фаоллик кўрсатмоқда. Ўтган йилга нисбатан капитал экспорти икки бараварга ошиб, 396 миллион АҚШ долларига етди.
Бунинг асосий қисми минтақадаги бошқа давлатларнинг қайта ишлаш саноатига йўналтирилмоқда. Умуман олганда, Евроосиё мамлакатлари ўртасидаги ўзаро инвестициялар рекорд даражага – 48,4 миллиард АҚШ долларига етди.
Жаҳон бўйича тўғридан-тўғри инвестициялар оқими пасайётганига қарамай, бу кўрсаткич ўсишда давом этмоқда. Ушбу ўсишнинг асосий ҳаракатлантирувчи кучи хусусий бизнес бўлиб, у барча инвестицияларнинг 72 фоизини ёки 34,7 миллиард АҚШ долларини ташкил этади.
Минтақа хомашё ресурсларига қарамликдан босқичма-босқич воз кечмоқда. Тоғ-кон саноатига йўналтирилган инвестициялар қисқараётган бўлса, ишлаб чиқариш, молия ва қурилиш соҳаларига киритилаётган маблағлар ўсмоқда.
Сўнгги бир ярим йил ичида қайта ишлаш саноатига қилинган инвестициялар 1,5 миллиард АҚШ долларига орди. Марказий Осиё алоҳида ажралиб турмоқда, бу ерда минтақавий инвестициялар ҳажми 1,3 миллиард АҚШ долларига етиб, ўтган йилга нисбатан 42 фоизга ошди.
Ушбу маблағларнинг тахминан 80 фоизи қурилиш, саноат ва молия соҳаларига йўналтирилган. Қозоғистон минтақанинг асосий ўйинчиларидан бири бўлиб қолмоқда.
У қўшни давлатларга, хусусан, Ўзбекистонга фаол инвестиция киритмоқда. Сўнгги бир ярим йил ичида Қозоғистоннинг Ўзбекистонга йўналтирган инвестициялари ҳажми 60 фоизга ошди.
Меҳмон гуруҳидаги фойдаланувчилар ушбу мақолага изоҳ қолдира олмайди.
