Ўзбекистонда Ҳаж ва Умра учун янги тартиб жорий этилди
Ўзбекистон Республикаси Вазирлар Маҳкамасининг 2026 йил 24 январда қабул қилинган 27-сонли қарори билан Ҳаж ва Умра зиёратларини ташкил этиш учун «Ҳаж ва Умра ягона портали» орқали рўйхатдан ўтиш мажбурий этиб белгиланди. Талаб 2026 йил 1 февралдан Ҳаж, 2026 йил 1 майдан эса Умра зиёрати учун кучга киради. Зиёратчилар ҳақидаги маълумотлар портал базасига киритилмаган бўлса, сафарларни ташкил этишга йўл қўйилмайди.
Ўзбекистонда Ҳаж ва Умра зиёратларини ташкил этиш тартибида муҳим янгилик жорий қилинди. Ўзбекистон Республикаси Вазирлар Маҳкамасининг 2026 йил 24 январда қабул қилинган 27-сонли қарори билан мазкур соҳани рақамлаштириш ва янада такомиллаштиришга қаратилган янги механизмлар белгилаб берилди.
Қарорга мувофиқ, мамлакатимизда «Ҳаж ва Умра ягона портали» ишга туширилди. Энди муқаддас зиёратга боришни режалаштираётган фуқаролар ушбу портал орқали рўйхатдан ўтиши шарт бўлади. Яъни, Ҳаж ёки Умра сафарига чиқиш учун ягона электрон тизим орқали маълумот киритиш мажбурий этиб белгиланди.
Янги тартиб босқичма-босқич жорий этилади. Хусусан:
- 2026 йил 1 февралдан — Ҳаж зиёрати учун,
- 2026 йил 1 майдан — Умра зиёрати учун портал орқали рўйхатдан ўтиш талаби кучга киради.
Шу билан бирга, зиёратчилар ҳақидаги маълумотлар мазкур портал базасига киритилмаган ҳолатда сафарларни ташкил этишга йўл қўйилмайди. Бу орқали зиёрат жараёнларининг шаффофлиги, тартиб-интизоми ва самарадорлигини ошириш мақсад қилинган.
Янги тизим фуқаролар учун қулайлик яратиш, шунингдек, Ҳаж ва Умра тадбирларини замонавий талаблар асосида ташкил этишга хизмат қилиши кутилмоқда.
Изоҳлар 0
…