7 январ куни соат 17:20 да Тошкент вақти билан автомобиллар учун экологик стикерни my.gov.uz портали орқали расмийлаштириш имконияти ишга туширилгани маълум қилинди. Аввал бу ҳужжатни олиш учун ҳуқуқни муҳофаза қилувчи органларга мурожаат қилиш талаб этилар эди. Бу ҳақда kursiv.uz хабар беради.
Экостикерни олиш учун давлат хизматлари сайтига ёки унинг мобил иловасига кириб, "Транспорт" бўлимидан "Автотранспорт воситаси учун экологик стикер олиш" хизматини танлаш керак. Тизим зарур маълумотларни автоматик равишда чиқаради, аризачидан эса фақат уларни тасдиқлаш сўралади.
Тайёр стикер 10 кун ичида уй манзилига етказиб берилади. Стикернинг ўзи ҳам, ариза топшириш ҳам бепул, фақат етказиб бериш хизмати учун 20 600 сўм тўланади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
