Тошкентдаги кўп қаватли уйларда ўзини СЭС ходими деб таништираётган фирибгарлар пайдо бўлди » Ўзбекистон янгиликлари – Zamin.uz

Тошкентдаги кўп қаватли уйларда ўзини СЭС ходими деб таништираётган фирибгарлар пайдо бўлди

Тошкентдаги кўп қаватли уйларда ўзини СЭС ходими деб таништираётган фирибгарлар пайдо бўлди

Тошкент шаҳридаги кўпқаватли уйларда Санитария- эпидемиология станцияси ходимаси кўринишидаги қизлар суваракка қарши дориларни сотиб олишни таклиф қилишмоқда, деб ёзади UZ24.

Ижтимоий тармоқдаги “Жамоатчилик назорати”га мурожаат қилган фойдаланувчининг хабарига кўра, ўзларини гўёки СЭС ходими деб таништираётган ва дори таклиф қилаётганлар шахсини тасдиқловчи гувоҳномага эга эмас. Гувоҳнома талаб қилганларни “СЭС қизлари” ҳақорат қилишган ва жанжал чиқаришган. Кириш йўлагидаги кузатув камераси эса уларнинг юзини суратга олган.

Шунингдек, фойдаланувчилар кўп қаватли хонадонларда ўзини “ТЧСЖ ходимиман” деб таништирган йигитлар ҳам юрганлигини маълум қилишган. Бироқ улардан раҳбари ҳақида сўралганда, “қочиб қолишган”.

Ушбу ҳодиса юзасидан UZ24 мухбири Республика Давлат эпидемиология- назорат маркази вакили билан боғланди. Марказдан берилган маълумотга кўра, ҳеч ким дизенфекция воситаларини тарқатиш учун юборилмаган ва юборилмайди ҳам. Маълум бўлишича, фуқаролар айнан шу ёки шунга ўхшаш ҳодиса юзасидан шикоят қилиб, унинг қонунийлигини сўраб биринчи марта мурожаат қилаётгани йўқ.

Қайд этиш жоизки, суратга олинган кадрларнинг ишончли экани ҳозирча тасдиқланмаган. Бироқ интернет фойдаланувчилари суратдаги қизларни ўз уйлари атрофида кўришганини, баъзилари эса уларни милиция ходимлари қўлга олишганини ёзиб қолдиришган.

Фото: UZ24

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru