Эрдўғон Туркия Мосулдаги ҳарбий операцияда иштирок этиш учун рухсат сўрамаслигини билдирди » Ўзбекистон янгиликлари – Zamin.uz

Эрдўғон Туркия Мосулдаги ҳарбий операцияда иштирок этиш учун рухсат сўрамаслигини билдирди

Эрдўғон Туркия Мосулдаги ҳарбий операцияда иштирок этиш учун рухсат сўрамаслигини билдирди

Ражаб Тоййиб Эрдўғон Ироқнинг Мосул шаҳрини ИШИД жангариларидан озод этиш бўйича операцияда Анқара иштирок этишини истамаганларни қоралади. Туркия президенти бу ҳақда Истанбулда бўлиб ўтган 9-Евросиё ислом кенгашига мурожаатида маълум қилди, дея хабар беради “Ведомости”.

Президентга кўра, ИШИД Туркияга террор билан таҳдид қилмоқда ва мамлакат жангарилар ҳужуми олдини олиш ва қўшнилар — Ироқ ҳамда Сурияга ёрдам бериш чораларини кўрмоқда. Бунинг учун эса ҳеч қандай рухсат талаб этилмайди ва Туркиянинг бундай нияти ҳам йўқ.

“Айрим давлатлар ўзлари учун хавф мавжуд деб ҳисоблаган тақдирда Афғонистон ва бошқа давлатлардаги операцияларда иштирок этиш учун кўплаб километрларни босиб ўтади. Сурия билан 911, Ироқ билан эса 350 километр умумий чегараси бўлган Туркияни эса аралашмаслиги ва қўшни давлатларда туғилаётган таҳдидни бартараф этмаслигини исташмоқда”, — дея таъкидлади Эрдўғон.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru