Шоира Анна Ахматова Нобель мукофоти олишга номзод бўлгани маълум қилинди » Ўзбекистон янгиликлари – Zamin.uz
03-01-2017 | 10:53 ZAMIN.UZ / Дунё / 03 Январ 2017
300

Шоира Анна Ахматова Нобель мукофоти олишга номзод бўлгани маълум қилинди

Шоира Анна Ахматова Нобель мукофоти олишга номзод бўлгани маълум қилинди

Россиялик шоира Анна Ахматова номзоди 1966 йилги адабиёт бўйича Нобель мукофотига қўйилган, деб хабар бермоқда Кун.уз сайти, ТАСС ахборот агентлиги маълумотига таянган ҳолда.

Шоиранинг исми Гётеборг университети славян тиллари профессори Гуннар Якобссон ва Гарвард университети профессори Роман Якобсон томонидан таклиф қилинган бўлган.

Таъкидлаш жоизки, номзодларнинг исмлари 50 йил сир сақланади.

3 январда ошкор қилинган рўйхатда ҳаммаси бўлиб 72 исм, жумладан Владимир Набоков, Константин Паустовский, Сэмюэл Беккет, Луи Арагон, Альберто Моравиа, Хорхе Луис Борхес, Пабло Неруда исмлари бор.

1966 йилги адабиёт бўйича Нобель мукофоти Берлинда туғилган шоира Нелли Закс ва исроиллик ёзувчи Шмуэль Агнон орасида тақсимланган.

Аввалроқ Анна Ахматованинг кундалиги 7 млн рублга сотилгани маълум қилинганди.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.

Рейтинг:
  • Dislike
  • 0
  • Like
Ҳавола:
Рейтинг@Mail.ru