Фото: Getty Images
Литва парламенти Украина аскарларини тайёрлаш учун мамлакат қўшинларини Украинага юборишга рухсат берди. Бу ҳақда Литва бош вазири Ингрида Шимоните хабар берди.
Унинг сўзларига кўра, Москва Вильнюснинг бундай ҳаракатини провокация деб билиши мумкин, аммо Литва расмийлари бунга эътибор қаратмоқчи эмас.
"Агар биз Россиянинг жавоби ҳақида ўйласак, ҳеч нарса жўнатолмасдик. Ҳар иккинчи ҳафтада кимдир ядровий ҳужумга дучор бўлганини эшитамиз", — дея қўшимча қилган Шимоните.
Аввалроқ Франция президенти Эммануэл Макрон Украинага қўшин юборишни истисно қилмаган эди. Шундан сўнг Ғарбда юзага келган мунозаралар фонида Литва бу борадаги “қизил чизиқлар” бекор қилинганини эълон қилган.
Литва бош вазири Макронни қўллаб-қувватлаб, у “стратегик ноаниқлик” яратаётганини таъкидлаган: у Украинага ҳарбийларни юбориш имкониятига ишора қилган, бироқ аниқ режалар ва муддатларни очиқламаган.
Украина президенти Владимир Зеленский ҳам мамлакатга Ғарб қўшинларини киритиш ташаббусини қўллаб-қувватлаган. Унга кўра, хорижлик ҳарбийлар украин армиясини ўқитиши ва жиҳозларни таъмирлашда ёрдам бериши мумкин. Шу билан бирга, у бошқа давлатларнинг армияларини Украинага ҳарбий ҳаракатларда қатнашиш учун очиқ таклиф қила олмаслигини таъкидлаган.
Аввалроқ Россия Мудофаа вазирлиги “яқин келажакда” тактик ядровий зарба бериш машқларини ўтказиш нияти борлигини эълон қилган. Кремль буни Ғарб давлатларининг Украинага ҳарбий контингент юбориш эҳтимоли ҳақидаги баёнотлари билан бевосита боғлаган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Орзудаги уй — қишда иссиқ, ёзда салқин. Бунга қандай эришиш мумкин?
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Украина президенти маҳбусларни сафарбар қилиш тўғрисидаги қонунни имзолади
Пневматик қуролларни ўз ихтиёри билан топширганлар жавобгарликдан озод этилади
Ўзбекистонликлар доимий яшаш учун кўпроқ қайси давлатларга кўчиб кетмоқда?
Шимолий Корея янги кўрсаткичларга эга баллистик ракетани синовдан ўтказди
Мессининг салкам 1 миллион долларга сотилган салфеткаси ҳақида
Эрон президентини олиб кетаётган вертолёт ҳалокатга учради