Америкалик олим ва Қуръон

Америкалик олим – доктор Дэвид Уайтҳаус «Коинотнинг якун топиши муқаррар» номли мақоласида ёзяпти:
«... Коинотнинг яратилиши қаттиқ портлаш билан бошланган эди. Мана шу пайтдан бошлаб коинот тўхтовсиз кенгайиб бормоқда. Лекин бу кенгайиш абадий эмас. Тадқиқотлар шуни кўрсатмоқдаки, коинотнинг массаси керакли – белгиланган даражага етиб борганда, коинот ўз-ўзидан ўралиб-йиғилиб қолади, яъни бунга тортишиш кучи сабаб бўлади. Бу – ҳаммаси тамом деганидир!..»

Профессор Марк Шварц эса «Космик «ҳалокатли ўралиш» коинотимизнинг ҳалокатини бошлаб бериши мумкин» мақоласида Стэнфорд университети физик профессорлари Рената Каллош ва Андрей Ринднинг қуйидаги хулосаларини келтирган:
«...Коинот ўралиб, биз ҳозир кўриб турган ва узоқ масофалардаги биз кўра олмайдиган барча нарсалар протон заррасидан ҳам кичик бўлган нуқтага йиғилиб келади... Жуда кўп олимлар коинот келажакда ана шундай инқирозга юз тутади, деб ҳисоблайдилар...»

Энди қўлингизга Қуръонни олинг ва «Анбиё» сурасидаги 104-оятни ўқинг:
«У кунда Биз осмонни худди мактуб ёзилган саҳифани ўраган каби ўраб, биринчи марта қандай яратган бўлсак, (ўша яхлит ҳолига) қайтарурмиз. (Бу) Бизнинг зиммамиздаги ваъдадир. Албатта, Биз (шундай) қилувчидирмиз!»


Манба: Azon.uz «Замин»ни Telegram’да ўқинг!