Россияда энергетик ичимликларга ўрганиб қолган 22 ёшли йигитнинг оёғи ишламай қолди. Санкт-Петербургда яшовчи Артём компьютер ўйинларига берилиб, ҳушёр туриш учун энергетик ичимликлар ичишни одат қилган еди.
Аввалига кунигa бир банкадан истеъмол қилган йигит вақт ўтиши билан оч қоринга 3–5 тагача ичадиган даражада кўникиб қолган. Бир кун у кескин қорин оғриғи, қусиш ва кўнгил айниши билан шифохонага тушган ва унга панкреатит ташхиси қўйилган. Бироқ даволангандан сўнг касаллик яна қайталаниб, ошқозон ости безида киста пайдо бўлган.
Учинчи марта шифохонага ётқизилганда вазият янада оғирлашган: ошқозон ости безида йирингли некроз ривожланган, организми заҳарланган ва Артёмнинг оёқлари ишламай қолган. Ҳозирда у реабилитация олиб, қайта юришни ўрганмоқда.
Огоҳлантириш: мутахассислар энергетик ичимликларни, айниқса оч қоринга, меъёрдан ортиқ истеъмол қилиш ошқозон ости бези, юрак ва қон томирлари учун жиддий хавфли эканини таъкидламоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
