Дортмунднинг «Боруссия» жамоасида марказий ҳимоячи сифатида тўп сураётган Нико Шлоттербек ҳануз Мадриднинг «Реал» клуби эътибор марказида қолмоқда. Бу ҳақда euro-football.ru хабар беради.
Манбаларга кўра, «қаймоқранглилар» ҳимоя чизиғини кучайтириш вариантлари орасида айнан Шлоттербек номини ҳам кўриб чиқмоқда. Фабрисио Романо хабар беришича, «Реал» немис футболчисининг салоҳиятини юқори баҳолаяпти ва ёзги трансфер ойнаси олдидан эҳтимолий келишув имкониятларини ўрганмоқда. Бироқ ҳозирча аниқ қадамлар йўқ — сўнгги пайтда музокараларда сезиларли силжиш кузатилмаган.
Transfermarkt портали Шлоттербекнинг бозор қийматини 55 миллион еврога баҳолаган. Турли миш-мишларга кўра, 26 ёшли ҳимоячига «Бавария», «Барселона» ва «Ливерпул» ҳам қизиқиш билдирмоқда.
“Zamin”ни Telegram'да ўқинг!
