2026 yil boshiga kelib O‘zbekistonning oltin-valyuta zaxiralari 66,3 mlrd dollardan yuqori darajaga chiqdi. Taqqoslash uchun, o‘tgan yil dekabr holatida respublika aktivlari 61,2 mlrd dollarga baholangan edi.
Mazkur zaxiralar tarkibida 10,6 mlrd dollari xorijiy valyuta hisobiga to‘g‘ri keladi, 1,5 mlrd dollari qimmatli qog‘ozlar ko‘rinishida, 55,1 mlrd dollari esa oltin ulushiga to‘g‘ri kelgan.
Bir oy ichida qimmatbaho metall hajmi 12,2 mln troy unsiyadan 12,6 mln troy unsiyaga oshdi. Eslatib o‘tamiz, 2025 yil noyabr yakunlariga ko‘ra O‘zbekiston Markaziy banki dunyo regulyatorlari orasida oltin xaridi bo‘yicha kuchli uchlikni yakunlagan — o‘sha oyda 10 tonna oltin sotib olingan.
Shuningdek, o‘tgan yil yanvar—noyabr oylarida O‘zbekiston xorijga qimmatbaho metallni qariyb 10 mlrd dollarga eksport qilgani ma’lum. Yillik o‘sish 49,4%ni tashkil etgan.
“Zamin”ni Telegramʻda oʻqing!
