Ўзбекистон Президенти Шавкат Мирзиёев республика тиббиёт марказларида тиббий хизматлар нархини қайта кўриб чиқиш ва агар хусусий клиникалар шу хизматларни арзонроқ ва сифатлироқ кўрсатса, тиббий суғурта маблағларини уларга йўналтиришни топширди. Давлат раҳбари тиббий хизматларнинг 30 фоизи аллақачон хусусий сектор ҳиссасига тўғри келаётганини ва кўплаб илғор ташаббуслар айнан шу ердан келиб чиқаётганини таъкидлади.
Президент давлат-хусусий шерикликни кенгайтириш бўйича таклифларни кўриб чиқишга тайёрлигини билдирди. Тиббий ускуналар ва тез ёрдам машиналарини олиб кириш бўйича имтиёзлар яна уч йилга узайтирилди.
Озиқ-овқат корхоналарига татбиқ этилган қўшилган қиймат солиғини қайтариш имтиёзи эндиликда хусусий тиббиёт ташкилотларига ҳам кенгайтирилади. Замонавий кўп тармоқли клиникаларни ташкил этиш учун тадбиркорларга 200 миллион доллар кредит линияси ажратилади.
Сўнгги саккиз йил ичида хусусий клиникалар ва лабораториялар сони уч баробарга ошиб, 9 мингга етди, беморлар учун ўринлар сони эса 57 мингга етди.
Меҳмон гуруҳидаги фойдаланувчилар ушбу мақолага изоҳ қолдира олмайди.
