Ўзбекистонда 14 ёшдан 18 ёшгача бўлган ўсмирларга мустақил равишда банк картаси очиш ҳуқуқи берилди. Адлия вазирлиги тегишли қарорни 11 ноябрь куни рўйхатдан ўтказди.
14 ёшдан кичик болаларга эса карта ота-она ёки қонуний вакилларнинг ёзма розилиги асосида очилиши мумкин. Мазкур ҳужжат мижозларга таклиф этиладиган банк карталари турларини кенгайтирди: эндиликда ўзини ўзи банд қилганлар ва якка тартибдаги тадбиркорлар учун бизнес карталар, нафақа ва бошқа тўловлар учун ижтимоий карталар жорий этилади.
Шунингдек, банклар олдиндан тайёрланган карталарни чиқариши мумкин, улар фойдаланувчи тасдиқловидан сўнг мобил илова орқали фаоллаштирилади. Янги қоидалар корхоналарга ичимлик суви ва оқова сув хизматларини корпоратив карталар ёрдамида тўлаш имконини ҳам беради.
Меҳмон гуруҳидаги фойдаланувчилар ушбу мақолага изоҳ қолдира олмайди.
