Онанинг соғлиги – келажакдаги фарзанднинг соғлиги учун асосдир. Ҳомиладорлик давридаги овқатланиш нафақат очликни қондириш, балки болани ривожлантириш, аёлнинг энергияси ва моддалар алмашинуви учун ҳам муҳимдир.
Овқатланиш таркиби ҳомиланинг ўсиши, суяклар, асаб тизими ва ҳатто келажакдаги боланинг иммунитетига таъсир кўрсатади. Ҳомиладорлик даврида оқсиллар, ёғлар ва углеводлар ўртасидаги мувозанат сақланиши керак.
Оқсиллар – ҳужайралар қурилиши учун, ёғлар – асаб тизимини шакллантириш учун, мураккаб углеводлар эса энергия манбаи ҳисобланади. Ҳомиладор аёлнинг овқатланиш рационида гўшт, балиқ, тухум, сут маҳсулотлари, бутун донли нон, ёрмалар, сабзавот ва мева бўлиши керак.
Овқатланиш кунига 4-5 марта, кичик порциялардан иборат бўлиши мақсадга мувофиқ. Қовурилган, жуда шўр, ўткир ва ёғли таомлардан воз кечиш тавсия этилади.
Ширинлик ва тез тайёрланадиган овқатлар минимал даражада истеъмол қилиниши лозим. Ҳомиладорликда кальций, темир, фолий кислотаси ва D витаминлари жуда муҳим.
Улар суяк, қон ва нерв тўқималарини шакллантиришда иштирок этади. Биринчи уч ойликда фолий кислотаси, темир ва оқсилларга бой овқатлар истеъмол қилиш зарур.
Иккинчи уч ойликда кальций ва магнийга бўлган эҳтиёж ошади. Учинчи уч ойликда эса порциялар кичикроқ, лекин кўпроқ овқатланиш тавсия этилади.
Ҳомиладорлик даврида хом балиқ, пастеризация қилинмаган сутдан тайёрланган пишлоқ, тез тайёрланадиган овқатлар ва энергетик ичимликлардан воз кечиш керак. Спиртли ичимликлар ва кўп миқдордаги кофе ичиш қатъиян тақиқланади.
Шунингдек, ўзбек таомлари орасида ёғсиз палов, шўрва ва сабзавотли кабоб фойдали танлов бўлиши мумкин. Вегетарианлар оқсил ва темир даражасини кузатиб бориши керак.
Веганлар эса B12 ва темир қўшимчаларини шифокор назорати остида қабул қилиши зарур. Ҳомиладорликнинг турли босқичларида токсикоз, жиғилдон қайнаши ва шиш каби муаммолар кузатилиши мумкин.
Бу ҳолатларда овқатланишни мослаштириш, масалан, кўпроқ суюқлик ичиш ёки толага бой маҳсулотлар истеъмол қилиш ёрдам беради. Мутахассис Камола Пулатованинг сўзларига кўра, ҳомиладорлик давридаги овқатланиш қатъий эмас, балки мослашувчан бўлиши керак.
Асосий қоидалар: мувозанат, сифат ва завқ. У шундай дейди: “Асосий мақсад – боланинг соғлигидир.
Камроқ, лекин сифатлироқ овқатланиш мақсадга мувофиқ.” Ҳомиладорлик давридаги овқатланиш – бу вақтинчалик чора эмас, балки келажакдаги оиланинг соғлиғини шакллантирувчи одатдир.
Меҳмон гуруҳидаги фойдаланувчилар ушбу мақолага изоҳ қолдира олмайди.
