Бразилия ұлттық құрамасы 2026 жылғы Әлем чемпионатына дайындықтың ең маңызды кезеңіне аяқ басты. «Селесао» бас бапкері Карло Анчелотти мундиальға қатысатын 26 футболшыдан тұратын соңғы тізімді жариялады.
Бразилия әрқашан Әлем чемпионатының басты фавориттерінің бірі ретінде қарастырылады. Бұл жолы да команда құрамында тәжірибе, жұлдыздар мен жаңа буын өкілдері үйлесім тапқан. Әсіресе, шабуыл шебіндегі есімдер қарсылас қорғаушылары үшін үлкен бас ауруы болатыны анық.
Қақпашылар тізіміне Alisson, Ederson және Weverton енгізілді. Alisson ірі турнирлерде тәжірибе жинақтаса, Ederson да жоғары деңгейдегі ойындарда өзін талай рет көрсеткен. Бұл позицияда Анчелоттиде сенімді таңдау бар.
Қорғаныс шебінде Alex Sandro, Bremer, Danilo, Douglas Santos, Gabriel Magalhaes, Roger Ibanez, Leo Pereira, Marquinhos және Wesley Franca секілді футболшылар тізімге ілікті. Бұл құрамда Еуропа футболында тәжірибе жинақтаған қорғаушылар да, Бразилия чемпионатында тұрақты өнер көрсетіп жүрген ойыншылар да бар.
Жартылай қорғаныста Bruno Guimaraes, Casemiro, Danilo dos Santos, Fabinho және Lucas Paqueta-ға сенім артылды. Бұл шепте күш, тәжірибе және доппен жұмыс істеу шеберлігі ұштасқан. Әсіресе, Casemiro мен Fabinho секілді тәжірибелі футболшылар ірі ойындарда команда тепе-теңдігін сақтауда маңызды рөл атқара алады.
Шабуыл шебі Бразилияның басты қаруы болады деп күтілуде. Endrick, Gabriel Martinelli, Igor Thiago, Luiz Henrique, Matheus Cunha, Neymar, Raphinha Dias, Rayan Rocha және Vinicius Junior секілді футболшылар Анчелоттиге кең таңдау мүмкіндігін береді. Мұнда жылдамдық та, техника да, үлкен сахна тәжірибесі де жеткілікті.
Бразилияның ӘЧ-2026 үшін соңғы құрамы төмендегідей:
Қақпашылар:
Alisson «Liverpool», Ederson «Fenerbahce», Weverton «Gremio».
Қорғаушылар:
Alex Sandro «Flamengo», Bremer «Juventus», Danilo «Flamengo», Douglas Santos «Zenit», Gabriel Magalhaes «Arsenal», Roger Ibanez «Al-Ahli», Leo Pereira «Flamengo», Marquinhos «PSG», Wesley Franca «Roma».
Жартылай қорғаушылар:
Bruno Guimaraes «Newcastle», Casemiro «Manchester United», Danilo dos Santos «Botafogo», Fabinho «Al-Ittihad», Lucas Paqueta «Flamengo».
Шабуылшылар:
Endrick «Lyon» / «Real», Gabriel Martinelli «Arsenal», Igor Thiago «Brentford», Luiz Henrique «Zenit», Matheus Cunha «Manchester United», Neymar «Santos», Raphinha Dias «Barcelona», Rayan Rocha «Bournemouth», Vinicius Junior «Real».
Қысқасы, Анчелотти мундиаль үшін қуатты және шабуылшыл құрамды таңдады. Neymar-дың тәжірибесі, Vinicius-тің жылдамдығы, Raphinha мен Martinelli-дің белсенділігі, Endrick-тің жастық жігері Бразилияға үлкен үміт сыйлайды. «Селесао» қайтадан үлкен сахнаға оралуда — бұл құрамнан тек әдемі футбол емес, үлкен нәтиже де күтіледі.
“Zamin”-ді Telegram-нан оқыңыз!
