Ўзбекистонда 70 ёшдан ошган эркаклар ҳам ота бўлмоқда
Фото: Миллий статистика қўмитаси
Ўзбекистонда ёши катта эркаклар орасида ҳам оталик ҳолатлари қайд этилаётгани эътиборни тортмоқда. Хусусан, 2026 йилнинг дастлабки уч ойи давомида 70 ёш ва ундан катта бўлган 14 нафар эркак ота бўлгани маълум қилинди.
Миллий статистика қўмитаси келтирган маълумотларга кўра, 60 ёш ва ундан катта эркаклар орасида жами 162 нафари фарзандли бўлган. Бу эса ёши улғайган бўлса-да, оталик бахтига эришаётганлар сони мавжудлигини кўрсатади.
Умуман олганда, 2026 йилнинг илк уч ойида республика бўйича 191 086 та тирик туғилиш ҳолати қайд этилган. Статистик таҳлилларга қараганда, туғилишлар асосан 25–39 ёшли эркаклар ҳиссасига тўғри келмоқда — ушбу ёш тоифасида 158 984 нафар эркак ота бўлган.
Шу билан бирга, 25 ёшгача бўлган эркаклар орасида ҳам 16 398 нафари фарзандли бўлгани қайд этилган. Бу эса ёш ва катта авлод вакиллари орасида ҳам оталик ҳолатлари фаол давом этаётганини кўрсатади.
Мутахассисларнинг таъкидлашича, бундай кўрсаткичлар демографик жараёнларнинг ранг-баранглигини акс эттиради ҳамда жамиятда турли ёшдаги инсонлар оилавий ҳаётга кириб бораётганини кўрсатади.
