Bir senator va ikki deputatning vakolati muddatidan avval tugatildi

  • 18 aprel 2017, 12:07
  • 4 103
  • O‘zbekiston
  • Bir senator va ikki deputatning vakolati muddatidan avval tugatildi
    17 aprel kuni O‘zbekiston Respublikasi Markaziy saylov komissiyasining majlisi bo‘lib o‘tdi. Uni Komissiya raisi Mirzo-Ulug‘bek Abdusalomov boshqardi. Bu haqda O‘zbekiston Respublikasi Markaziy saylov komissiyasi matbuot xizmatiga tayanib Kun.uz xabar bergan.

    Majlisda A.Bobobekovning xalq deputatlari Jizzax viloyati Kengashi deputati vakolati tugatilganligi munosabati bilan uning O‘zbekiston Respublikasi Oliy Majlisi Senati a’zosi vakolati muddatidan ilgari tugatish to‘g‘risida qaror qabul qilindi.

    Shuningdek, Komissiya a’zolari 50-Registon saylov okrugidan saylangan deputat Marhabo G‘afurova hamda 85-Chinoz saylov okrugidan saylangan deputat Odiljon Tojiev boshqa ishga o‘tganliklari munosabati bilan ularning parlament quyi palatasi deputatlari vakolatlarini muddatidan ilgari tugatish to‘g‘risida ham qaror qabul qilindi.

    Majlisda Markaziy saylov komissiyasi vakolatiga taalluqli boshqa masalalar ham muhokama qilindi.

    Ma’lumot uchun, Marhabo G‘ofurova Samarqand viloyati hokimi o‘rinbosari bo‘lgan, Odiljon Tojiev esa «Kamolot» YoIHga rais etib tayinlangan.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Bir senator va ikki deputatning vakolati muddatidan avval tugatildi