O‘zbekiston avtomobil raqamlarini berish tartibi yangilandi: endi raqam tanlash va xarid qilish jarayoni “AvtoRaqam” mobil ilovasi orqali amalga oshiriladi. Foydalanuvchilar ilovada raqam kombinatsiyalarini real vaqt rejimida kuzatib, o‘zlariga yoqqan variantni tanlashlari mumkin. Aynan chiroyli raqamlar ushbu ilovada taqdim etiladi.
Oddiy davlat raqamlari esa “Random” — tasodifiy tanlash tizimi orqali beriladi. Har ikki holatda ham inson omili minimalga tushirilgan, jarayonlar to‘liq elektron dasturlar orqali boshqariladi.
Yangi tizim jismoniy va yuridik shaxslar, shuningdek fuqaroligi bo‘lmagan shaxslar uchun ham raqam xarid qilish imkonini yaratadi. Shu orqali raqam berish jarayoni shaffof va qulay bo‘lib, ilgari mavjud bo‘lgan auksion tizimi va oshirilgan stavkalar bekor qilingan. Ilovani App Store yoki Play Marketdan yuklab olish mumkin.
“Zamin”ni Telegramʻda oʻqing!
