Amir Temur xiyoboni hududi bugundan boshlab vaqtincha yopiladi
Toshkent shahri Yunusobod tumanidagi Amir Temur xiyoboni 2026 yil 23 martdan 7 aprelga qadar obodonlashtirish ishlari sababli butun perimetri bo'ylab vaqtincha yopiladi. Cheklovlar Maxtumquli, Istiqbol, Sayilgoh ko'chalari hamda Amir Temur va Mustaqillik shohko'chalari chegaralaridagi xiyobon maydoniga taalluqli. Bu davrda piyodalar yo'laklari ta'mirlanib, muhandislik kommunikatsiyalari va sug'orish tizimi modernizatsiya qilinadi, hudud ko'kalamzorlashtiriladi.
Toshkent shahri Yunusobod tumanida obodonlashtirish ishlari olib borilishi munosabati bilan 2026 yil 23 martdan 7 aprel kuniga qadar Amir Temur xiyoboni hududi butun perimetri bo‘ylab vaqtincha yopiladi, deb xabar berdi shahar hokimligi.
Cheklovlar faqat Maxtumquli, Istiqbol, Sayilgoh ko‘chalari hamda Amir Temur va Mustaqillik shohko‘chalari chegaralarida joylashgan xiyobon maydoniga taalluqli. Ishlar davomida piyodalar yo‘laklari qoplamasini ta’mirlash va qisman yangilash, muhandislik kommunikatsiyalari va sug‘orish tizimini modernizatsiya qilish, shuningdek hududni ko‘kalamzorlashtirish rejalashtirilgan.
Hududdagi mavjud daraxtlarga zarar yetkazilmaydi. Qo‘shimcha ko‘chatlar ekish va ko‘kalamzorlashtirish ishlari kuchaytiriladi. Avtotransport harakati va yo‘l bo‘yida to‘xtab turish imkoniyati odatdagi tartibda saqlanadi. Belgilangan muddatda xiyobon hududiga olib chiquvchi metro bekatlari chiqish yo‘llari ham vaqtincha yopiladi.
Izohlar 0
…